إن جيت ياشوق العنا والمقادير |
يستقبلك ترحاب قلبي من أقصاه |
حيث إن لك في مهجته كل تقدير |
وغلاك من مبطي غزاه وتمثناه |
لا تحسب إنه شرط يلعب على الزير |
ويغني الألحان من شان تقراه |
ترى الغلا الصادق يحب التعازير |
في قلب راعيه وعلى نار يقلاه |
وانكان ماجيت وخذتك الأعاصير |
اللي تشيل اللي على الدرب تلقاه |
ماهو غريب وصار فالناس ويصير |
لين النفوس تقاد من كل مجهاه |
كم حاجةٍ راحت وطارت كماالطير |
صفق الهوا بين الجناحين مشهاه |
رف الجناح وحيث ماتشتهي طير |
الله يوجه لك وخل المعاناه |
في قلب من حبك وغر التعابير |
ماهو بداري كيف ينبيك بلغاه |
والسر يبقى سر في داخل البير |
ان عاش ولا مات ماواحدٍ جاه |
بس الصحيح انكان جيتو مسايير |
كل المشاعر في نباكم مهياه |
نايف المقاطي |
|
