ما هو غريب الطيب من راعي الطيب |
ولا هو غريب أهل الرداء ينكرونه |
الجاحدين أبطال زيف الملاعيب |
اللي يدور بروسهم يلعبونه |
لطوال وقصار السوالف مناديب |
ينقصون الكيل ويزودونه |
ما عاد للشرهه عليهم مطاليب |
يا ملحقين اللوم لا تلحقونه |
نشره على اللي يعرف إن الرداء عيب |
والناس لا جت سيرته يمدحونه |
وقت الرخا ولا زمان المصاعيب |
يدري الخوي كنه يداري عيونه |
هذاك تحسب له علينا مواجيب |
وحنا لنا عليه شرهه ومونه |
الذيب ترفع هقوته خوة الذيب |
بعيد عن درب الردا والمهونه |
من عز نفسه قدروه الأصاحيب |
أصحابه اللي بالوفا يعاملونه |
يغلط على عز ومعزه وترحيب |
وفنجال خولاني يداوي غبونه |
وان طاب فاله والصحاري مخاصيب |
ساق القدم والله وكيل بشؤونه |
ما يرد شوره لأهل الشك والريب |
يشاور العقال ويشاورونه |
مقبل البلوي |
|
