صدر الشمالي ما يضيق بثواني |
العام ولا اليوم هذا المثل غير |
ماهو غريب إن الشمالي يعاني |
من ضيقة الخاطر إلى مرة عصير |
صبر جميل ويا الله المستعاني |
طول غيابك يا صباح التباشير |
لو الحوايج تنقضي بالأماني |
كلاً تمنى اللي على باله يصير |
حتى الفقير المستدين المداني |
يمسي ويصبح من كبار الهوامير |
ما ضاق باله بالخفى والبياني |
ولا جال مع جول النجوم الشواهير |
عصر الفضاء ومزخرفات المباني |
فيه القسى واللين والشر والخير |
غير حياة الناس قاصي وداني |
اللي طلع واللي تحت طية البير |
حتى الصداقة ما عليها ضماني |
مدري غلط ولا نسميه تقصير |
إن جت من الاصحاب في وجه ثاني |
الوجه الأول ما ترده معاذير |
قالوه قبلي من قديم الزماني |
العذر ما يعشي ضيوف ومسايير |
يا صاحبي مشكور دعني وشأني |
تضيق ولا ما تضيق المعابير |
كفاني اللي في زماني كفاني |
والله جعل في نعمة العقل تفكير |
تمدحني الحساد ولا تهجاني |
فوق الجبال النايفه ما كر الطير |
أبعد عليهم من سهيل اليماني |
البعد زين وبه معزه وتقدير |
وان غير التيار شكل المواني |
وبدى على بعض المحطات تأثير |
الضلع راسي بالقسى والياني |
ما هو حصاه يهزها كل معصير |
مقبل البلوي |
|
