تنادم الليل.. والا تجرح اشعوره |
الليل مثلك (ملثم) والقمر زامي |
لو قلت يمكن على خدك نسى نوره |
الثلج وش قرّبه من وردك الدامي |
(والخصله) اللي بوجه الريح منثوره |
يوم أغرت الريح غارت منها الأعلامي |
والشمس من ظلها ترسم لها صوره |
والا السحابه تعاند رسم الايامي |
وكان السماء تنتظر ضحكتك مسروره |
الأرض تحتك تقبّل منك الأقدامي |
انظم حروف الغزل في عقد غندوره |
الميم في جيدها الميّاس واللامي |
تعلقت بك عيون فيك معذوره |
أجيك ظامي نظر. وارجع وانا ظامي |
قصة حياتي معك بالخير مذكوره |
اليوم. والا بعد خمسة عشر عامي |
انت الحلا. وانت ملح الشعر وبحوره |
أمر من واقعي. واحلى من أحلامي |
ترمي بسهمك وقلبي عارفٍ دوره |
(يطلّع السهم ويعيده على الرامي) |
خالد البقمي |
|
