الفراق المر والدمعة ونوح المبتلي |
والطعون النازفات وغربة الدرب الطويل |
وش دواها سارعوا جيبوا دواها يا هلي |
جودو بطبي ترى فرق الهوى حمله ثقيل |
وكان يجهلكم سببها فاسمعوا لي ما يلي |
وتعرفون اللي يجرعني المرار بكاس ويل |
السبايب فرقة المجمول لباس الحلي |
غاب عني وابتعد فجأه وضيعت الدليل |
فتنةٍ ربي خلقها في جمالٍ حايلي |
عاهدتني بالمحبة واتركت دمعي يسيل |
واتركت نار المفارق تصطلي فيني صلي |
غصب فرقنا الزمان ومالنا بالوقت حيل |
لكن اني لك حبيب صادق وانتي إلي |
وباكر يدور الزمان ونلتقي في طرف ليل |
يا إلاه الكون يارب السماء يا معتلي |
تحفظه في دنيته وتعدله عن كل ميل |
عبدالعالي راضي العنزي |
|
