يا بنات الفكر وحروف القصايد |
لا زهمتك درهمي بأحلى قصيده |
واطلعي لي في ملابسك الجدايد |
بيضي وجهي واسميك الفريده |
ومن زهر معناك سوي لي قلايد |
ودي امدح بك من ملوكي وليده |
المليك اللي بفعله دوم رايد |
نسل من وحد بلاد العز بيده |
نسل أخو نوره وقايد ولد قايد |
أبو متعب يا عسى أيامه مديده |
أبو متعب ذخر شعبه بالشدايد |
ذخرنا لا جالنا أيام شديده |
ما يكوده صعب لو بالحيل كايد |
وكلمته وحده ولا يمكن يعيده |
همه ان الشعب عيشتهم رغايد |
ولا جل شعبه دايم آرائه سديده |
ودايم يسهر لاجل نهنا رقايد |
ويوم عيده لابتسمنا يوم عيده |
وان وعد يافي ولا يخلف وعايد |
ودايم لا قال يافي بالوعيده |
خادم البيتين معه الخير زايد |
من فضل ربي عسى ربي يزيده |
كم فقير شال عن صدره لهايد |
وكم سجين يفرحه لا فك قيده |
وانشد الأيتام تعطيك الفوايد |
والأرامل من عطاياه العديده |
ويا إلهي عن عيون أهل الحسايد |
والحقود من الشياطين المريده |
تحفظ بلادي ويبقى الأمن سايد |
والقلوب السود يا ربي تبيده |
صالح حمد الزيد - بريده |
|
