سمي يمين المجد بسم الله خلاق الوجود |
اللي لنا في طاعته وصل ومعاليق وذرى |
يمين سلطان الكريمه صاحب القلب الودود |
سلطان فرحة عودته هلت بها أم القرى |
أشتاق لك قلب الوطن واشتاقتك كل الحدود |
والشوق زلزل خافقي وهاجسي عن وطرى |
في غيبتك بكى الندى على رياحين وورود |
والليل يشكي ظلمته لما سناء بدره سرى |
يا سيدي فينا ولاء لله ثم لآل السعود |
يجري بدم قلوبنا وفي مشاعرنا جرى |
نتوارثه بإخلاصنا أحفاد وأولاد وجدود |
معلن على وضح النقا يدري به اللي ما درى |
يا سيدي وقلوبنا حبك لها عز ووقود |
أخبارها في كل مطبوعة تعد وتنشرا |
حييت يا رمز الوفا حييت يا رمز الصمود |
مسيرتك حدث بها التاريخ والقاري قرى |
كفك مسيره للعطا من رامها يرقى سنود |
ونفسك كبيرة بالوفا تكسي متون من العرى |
إذا أمسكت كل الكفوف كفوف بو خالد تجود |
يورق بها قفر النفوس وينتشي عشب الثرى |
لك ابتسامه وارفه ولا تعودت الصدود |
كم من بيوت أنقذتها من حالة كانت زرى |
فرحة وطن تخفق لها بالعز رايات وبنود |
هلت بمقدم سيدي كل العشاير والورى |
يا سيدي مشاعري تلفي على قلبي وفود |
مشاعر من مخلص ما باع فيها واشترى |
أبياتها سطرتها من شان تبقى لي شهود |
إنه إذا ما طاب جرحك جرح قلبي ما برى |
أقولها عن موطني مهداه من كل البدود |
تختال من قمة طويق ومن على قمة حرى |
سعيد بن عبدالله الغامدي |
|
