يا سحاب الجنوب اللي على أبها برق |
شاقني ضوح برقك يا سحاب الجنوب |
يوم صاحت مزونٍ مثل خد الورق |
عجلةٍ هل ماها مقتفيها هبوب |
زارني طيف خلٍ للمشاعر سرق |
وانطبع في خيالي همس ذاك اللعوب |
كنها ريم قفر يوم جاها درق |
تلتفت في عيون من لمحها يذوب |
يوم خلي ظروفه نحته وافترق |
غصب عني وعنه ما نوينا الهروب |
يوم نجد العذيه يوم ربي فرق |
بين قلبي وقلبه نازحات الدروب |
ذاب قلبي عليها يا فهد واحترق |
خايف شمس حبي روحت للغروب |
وأتحسر عليها بين هم وأرق |
غادةٍ يا بو فيصل ولعت بي شبوب |
محمد الخربوش |
|
