حمد الأسعدي بقامته الشعرية الشامخة.. يصيغ بالحكمة هذا النص الوجداني الصادق كتعبير فاح شعراً من حرق تجاربه على جمر أيامه.. |
لازد همك خل همك لحالك |
حذرا تشيله للمجالس وتبديه |
ما أحدٍ بحالك لو يضيق احتمالك |
كل همومه عن همومك تكفيه |
انصحك خل الناس.. روّح بفالك |
لأرضٍ خلا ما يسمعك من تناديه |
ثم غن موالك على ما طرى لك |
مادام ما حي كلامك يوديه |
ابعد عن العالم ويصفى خيالك |
لو كان قلبك كاثراتٍ بلاويه |
وإن قلّت الحيلة وجيت متهالك |
ازبن على اللي ما تعدد حسانيه |
ما غير رب الكون يلطف بحالك |
والا البشر ما عندها ما تسويه |
حمد الأسعدي |
|
