ما برى جرحك بقلبي ما تشاوي |
وانت ناسيني وجرحك ما نساني |
الفرح والحزن في عيني تساوى |
طال حرماني على جفوة زماني |
ليتني وياك في الدرب انتخاوي |
مرة في العمر لو كانت ثواني |
حبك اللي له ورى الخفاق ماوى |
كل ما حوالت نسيانه عصاني |
راقب الله خل في قلبك مراوي |
من عطايا الحب عطني لو أماني |
كل حيل كان يدفعني تهاوى |
انكسر حلمي ونسيانه دعاني |
آخر الكلمات من حبك ملادي |
انت لغزٍ في حياتي له مكاني |
صقر العميري |
|
