هذه القصيدة مرثية في أخي عبدالمحسن بن عبدالكريم السبيل رحمه الله تعالى | الحمد للي يدير الكون | شرائع الخلق بكتابه | أمره يجي بين كاف ونون | ما خاب منهو طرق بابه | أخوي قبل أمس وضعه دون | ولا درينا وش اسبابه | سألت عن حالته وشلون | دكتور مارد لي جابه | من يوم شفته وانا مطعون | عرفت أنا كل ما صابه | الناس تنظر ولا يدرون | القلب وش صار بأعصابه | أخوي ريف بخشم مزون | هو وادي الجود وهضابه | السر عنده قبل مصيون | والضيف يا ما تلوا به | من جاء يبي حاجته مضمون | ياخذ منه كل ما نابه | ما هوب من يمنع الماعون | والفقر والله ما هابه | واليوم شيخ الصخا مدفون | في داخل القبر وترابه | ما لوم ربعي ولو يبكون | من شيلة البيت وأطنابه | الموت درب لنا مسنون | أمر من الله ونرضا به | رجواي بالله ومنه العون | ما ضيع الرب طلابه | يا رب تسمع لمن يدعون | أرجوك خفف له احسابه | عبدالعزيز بن عبدالكريم السبيل | |
|
| | |
