سلطان كل المجد والطيب سلطان |
أخو الزعيم إلي يقود المسيره |
سلطان درع المملكة طير حوران |
سيف من خيار السيوف الشطيره |
سلطان رمز الخير للجود عنوان |
أبو الكرم ما فيه سلطان غيره |
سلطان له في كل موقع وميدان |
مواقف تبقى كبيره كبيره |
سلطان سلطان التسامح والاحسان |
اسم تفاخر به شعوب الجزيره |
سلطان ما مثله تكون ولا كان |
ولا حدٍ على كسب الجمايل خشيره |
سلطان ريف اللي من الوقت بحلان |
أليا نصاه وجاره الله يجيره |
سلطان رحمة مرسلة بأمر رحمان |
عم الوطن حلمه وعطفه وخيره |
سلطان رجل الخير سلطان الإنسان |
الحقد ماله مدخلٍ في ضميره |
سلطان درع الدار عن كل عدوان |
محدٍ تناسى موقفه مع قصيره |
سلطان بين يوم شان الغاشان |
يوم أبو فيصل ما رضى بالكسيره |
سلطان نبع الجود والفعل برهان |
ذخيرة اللي ما لقاله ذخيره |
سلطان وقفاته جزيلات وسمان |
ملاذ من ضاعت عليه البصيره |
سلطان له يدعون شيب وشبان |
دعوات ما هي عند ربه عسيره |
سلطان يرعاه الولي عالي الشان |
ويحميه من شر النفوس الشريره |
سلطان بالعوده ترقبك الأعيان |
كلٍ على شوفك يبشر بشيره |
سلطان واللي فارضٍ خمس الأركان |
تملك قلوب في غلاكم جديره |
سلطان قدرك ما يوزن بميزان |
في كل بيت وكل هجره وديره |
سلطان واليمنى مثل غيث الأمزان |
هلت من المنشأ حقوقٍ غزيره |
سلطان كل الناس من قلب ولسان |
يدعون له بالبينة والسريره |
سلطان يبقى الفعل راسخ بالأذهان |
شامخ وتبصر به عيونٍ ضريره |
سلطان يبقى العطف في كل الأحيان |
حلم وحنان وطيب نيه وسيره |
سلطان دام القلب بالحب مليان |
ينبض بحبك سيده وانت أميره |
سلطان ما قلت القصايد على شان |
بلغه لو انك كل خير وبريره |
سلطان خادمك الوفي قال سلطان |
يوم الوفا طبعه ولا يستعيره |
|
