رثاء في الشيخ عبدالعزيز بن جامع رحمه الله |
مرحوم يا عبدالعزيز بن جامع |
شيخ المكارم والوفاء والديانه |
نجم فرق بين النجوم اللوامع |
كساب كلمة نعم والعهد صانه |
مجده مخلد بين شايف وسامع |
يعده اللي بين قومه تكانه |
ما هوب ضحضاحٍ غداله تلامع |
بحرا يتبع من يريد اسبحانه |
للخير جذابٍ وللشر قامع |
وعن طامن الأخلاق عنده حصانه |
وأن كثرت الأريا بوسط المجامع |
رايه سديد وصار للعلم شانه |
هذا صحيح القول ما نيب رامع |
يشهد به اللي حافظٍ للأمانه |
ولو ان دمع العين يحف المدامع |
مارد للي راح يرجع مكانه |
ويالله يا محصي عبادك وجامع |
ترفع رصيده يوم عرض الخزانه |
بيومٍ صدى صوته يهز المسامع |
اتحط له بين التقيين خانه |
وصادق تعازينا لكل الجوامع |
ولكل شيخٍ بالوفاء له مكانه |
وأنجاله اللي فيهم الطيب شامع |
على علوم الطيب فيهم ميانه |
هم العوض عقبه سيوفٍ تلامع |
الكل سيفٍ ما يثلم سنانه |
ومرحوم يا عبدالعزيز بن جامع |
شيخ المكارم والوفاء والديانه |
عبدالله بن جهز العضياني |
|
