المجلس اللي فيه حاقد ومغتاب |
وسيف العداوة بالمجالس يسله |
وياكل من لحوم الآوادم ولا تاب |
تبا النصيحة يا ولد قم وخله |
وازين هلا الطالات عطران الاشناب |
اهل الوفا واهل الكرم ما تمله |
واسمع سواليف النشاما والاصحاب |
فالمجلس اللي ما تجي فيه زله |
ما خاب من ينصا هلا الطيب ما خاب |
ولا خاب عن ينصا هلا الخير كله |
ومالك ومال اللي على الناس كذاب |
اللي طريق المرجلة ما يدله |
لا فكّر برزخ ولا يحسب حساب |
يوم القيامة يوم فرقا الأخلهْ |
لا صار من فوقه ومن تحته تراب |
يلقى فعوله كامله في سجله |
مير النهاية يا عريبين الأنساب |
هذي عبارة عن ضميري مطله |
مجلس ما يجلس فيه عطران الاشناب |
تبا النصيحة يا ولد قم وخله |
فهد مطر المخلفي |
|
