لا تبدي أسرارك على كل رجال |
احذر ترى بعض الرجاجيل مبدول |
يبث ما يسمع على طول بالحال |
وتلوم غيرك وانت مخطئ ومسؤول |
بعض الرجال حزام لا حدك الجال |
والبعض الآخر كنه كتاب كشكول |
النذل يبقى نذل يا طيب الفال |
لا تنخدع به لو هرج هرج معسول |
والمرجلة ما هي فقط كثرة المال |
ترى المراجل دين واخلاق وفعول |
في طاعة الله يا فتى راحة البال |
واهني من عمره على الطاعة يطول |
والوالدين حقوقهم كنها جبال |
وايضا دعاهم دايم الدوم مقبول |
الجار قدره فوق لو قال ما قال |
أصبر وتلقى لمشكلة جارك حلول |
ومن السموم احذر ترى السم قتال |
كم واحدٍ باسبابها صار مهبول |
والكبر لله لا تغطرس وتختال |
الباقي الله والبشر كله يزول |
عبد الله جامع المطيري - الرس |
|
