تقول أحبك لكن فلان وفلان |
قدر وغلا والحب ما يستفزه |
قلت الغلا يكبر على مر الأزمان |
وعذر المحبة بالبداية معزة |
قالت مجرد بس ما بين الإخوان |
وش فيك تجزع بالملامة تخزه |
خل الظنون السيئة عنك خسران |
قدّر غلاه اللي بقلبي مرزه |
حاولت ابقنعها: ترى الحب سلطان |
وراس الهوى لا بان صعب تجزه |
هذاك اعتدتي على صوته إدمان |
وهذا دليل الحب هذا مغزة |
قالت غيور وغيرتك ما لها شان |
قدره كبير ولا تحاول تهزه |
قلت امتوقع وادري الحب لا هان |
تحنين له لا بد في كل حزة |
أنتي وضميرك اعشقي فلان وفلان |
وانا بسميها عشانك معزة |
فيصل بن سبيّل الباهلي |
|
