أصحاب.. لكن في زمن ما به.. أصحاب |
نحب بعض وحبنا حب ثاني |
أحباب.. لو فكرت ما هم لك.. أحباب |
وضع الصداقة صار ما له معاني |
سراب.. يانظرات ضحكات.. الاعجاب |
يغيب فيها الصدق والشوق فاني |
أغراب.. يمكن وضعنا مثل.. الأغراب |
صار الضمير الحي منه يعاني |
عذاب.. يا وقت قسو فيه.. الاقراب |
مال المحبه فيه قدر ومكاني |
كل شي تغير صادق الحب كذاب |
كل شي تغير هاوي الحب أناني |
كل شي غامض ما عرفنا له أسباب |
كل شي ضايع ما له اية مواني |
مدري خطا مدري مشاريه وعتاب |
مدري ألم مدري هموم وتفاني |
مدري جفا مدري مواعيد وغياب |
بس الصحيح الوقت ماله أماني |
بين الحقيقة والوهم تشوف الاتعاب |
يصعب عليك تعرف هذا الزماني |
درس الحياة التجربة ما لها كتاب |
وهذي تجارب قلب أصبح يعاني |
(المتجه للمجهول) |
|
