عبدالله السياري شاعر يعجز الكلام عن إيفائه حقه كتب في الحزن فأبكى وكتب للفرح فأشجى.. واليوم نقدم آخر ما كتبه السياري تاركين التعليق لك عزيزي القارئ لأننا نرى أن كل ما لدينا من الكلام أقل من أن يفي شاعرية السياري حقها: |
هلا مرحبابك يا مجدد نشاط الروح |
يموت الخفوق ولاسمع صوتك احييته |
أهيم بغرامك مع صدى صوتك المبحوح |
على الهاتف اللي تالي الليل دقيته |
ترى قبل ما تزهم خيالك يجي ويروح |
الى راح ناديته ولي رد ضميته |
خيالك نديمي.. سلوة الخافق المجروح |
يجيني يسامرني الى منك أمسيته |
على طيفك اشكي لوعة الخافق المذبوح |
أبي منه يهدي لك مثل مالي اهديته |
من الظلم انا اسهر يا عيوني بلا مصلوح |
ومن العدل تسعد خافقي مثل ما اشقيته |
حلاة الغلا محمول روح تعانق روح |
متى ما هتف قلبي وناجاك ناجيته |
تمر الليالي مثل حلم الكرى وتروح |
متى ما فقدت أحلى شبابك تمنيته |
عبدالله بن محمد السياري |
|
