أحمد الناصر ترك ربعه وعود للزراعه

يسبر الرشاش والرشاش ما تدمع عيونه

في صلاة العيد ما شفناه في صف الجماعه

عن صلاة العيد ما نبغى الخبول يعطلونه

الزراعه يالثبيتي كلها عز وشجاعه

تغني الرجال والديان يستوفي ديونه

الصلاه بكل ديره والرسول له الشفاعه

والسنين طوال دام الراس ما سكته متونه

ليتني مثلك معي في هجرتي فجعه وراعه

ما وردت بجال عدٍ كل يوم يغثربونه

الزمان اليا حداني قلت له سمع وطاعه

لو زماني مثل وعلٍ للعرب تومي قرونه

كل تاجر يالثبيتي عارفٍ كيله وصاعه

ان وفا كيله وفا وان خان خلاقه يخونه

ودنا ندخل بحر لاجل البحر ما فيه قاعه

والبحر له ناس يا راع المعرفه يسبحونه

احفظ البابور بعد اليوم لا ينقص شراعه

خايف ان الناس تكثر فيظهره ويفرقونه

والجمل ما يوصل الحمله وقيده في كراعه

والعرب ما يعرفون اسمه وربعه يعرفونه

فالرجال اخوان صلب وفيهم اخوان الرضاعه

وقتنا ماني بعارف وش هبوبه من سكونه

ان بغيت اعطيك كلمه خلها عندك وداعه

الجمل حذفٍ وراه وحذف يا رجال دونه

اختيار زهران عون الله المطيري

بريدة

صفحة الجزيرة الرئيسية

الصفحة الرئيسية

رأي الجزيرة