عندي ركوب ملافخات المشاعيب

أحب عندي من ظلال القصوري

يا طول ما رحنا على الفطر الشيب

لي قابل النسوان كل معثوري

قدامهم شرفت روس المراقيب

أنا ومثلي للنشاما سبوري

يا طول ما رحنا على أكوار حيلي

مع المضاحي في ديار الأجانيب

يا ما حلا المرواح عقب المقيلي

متلطمين وسوقنا بالعراقيب

واليا ركبنا رافعات الشليلي

قحص المهار مودبات تواديب

كم واحد عقناه ماله مثيلي

خلي عشا لي طاح للطير والذيب

يوم الرخوم يشرفون النثيلي

بين البيوت وعند بيض الرعابيب

تكفون لا تمشون مشي المهابيل

وصية للي حضر والغيابي

خلوا مماشيكم مماشي رجاجيل

عضوا على شيماتكم بالنيابي

سووا سواة أبوانكم يا مهاشيل

بالطيب والشيمه وسهل الجنابي

والدين راس المال ما فيه تشكيل

ينفعك عقب الموت عند الحسابي

يا رجلي اللي صار فيها رمية

مدري مرض والا من الكبر جاني

ما هيب تمشي في الدروب الردية

ولا شكوا منها جميع الأداني

يا ما مشت بي في دروب خليه

لي قابل النسوان خطو الهداني

مر مع الجمعة ومر سريه

ومر مع البيرق وخيل الخواني

المرجع: حديث الصحراء ناصر السبيعي - إبراهيم الخالدي

صفحة الجزيرة الرئيسية

الصفحة الرئيسية

رأي الجزيرة