الا يا بحر والله ما فيه شي تام |
ولا كامل الا خالق الكون سبحانه |
تصافق بموجك ضايق الصدر ما تنلام |
وانا عاذرك لو ضيقتك مالها خانه |
والا يا بحر جدة عليك الرجال حيام |
يجيك الغريب يشيل في صدره احزانه |
مساك الغروب اللي يورد هديب الشام |
وصباحك شروق الخل في قلب خلانه |
يسمونك الغدار والغدر طبع عام |
ما دام الصحيب ليا امنه صاحبه خانه |
وانا والله اني ما اعتبرت الضعيف احزام |
لكن الليالي هجن والناس هجانه |
ولا اقول شيء في الرجال الرجال حشام |
وموقف طويل العمر من وقفة اخوانه |
لكن يا بحر صدام مات ورحل صدام |
ولا باقي الا مقتدى الصدر واخوانه |
عساني ليا جيت البلد والعرب نيام |
ازور المقابر كل ابوها على شانه |
وعساني ليا جيتك مسير وانا منظام |
وصافحت موجك رحت والنفس قنعانه |
سلطان بن دحيم العطاوي |
|
