الحزن يكبر في عيوني وأضمه |
بحساس صادق غير عن كل الاحساس |
وشلون أذم الحزن وشلون أذمه |
دامه من اللي ساكن بين الأنفاس |
اللي غلاها داخل الروح قمه |
وان قست حبه داخلي ما له أقياس |
يا نبض قلبي يا مواويل همه |
يا حكاية اهمومي وجرحي والأتعاس |
حبك مزجته وسط قلبي بدمه |
يا روح روحي يا بعد كل هالناس |
من زود حبك جرح حبك ألمه |
في وسط قلبٍ عاش حلمك مع الياس |
ياللي بعادك هد حالي وسمه |
يابو الغلا والذوق يالول يالماس |
عنونت حبك في روايه مهمه |
من غير خطٍ قد كتب لك بقرطاس |
ومن وين أنا ما رحت في كل يمه |
معي معي الله يحفظك من الباس |
وحزني عيوني تبتديه وتضمه |
بحساس صادق غير عن كل الاحساس |
خلف معجب العنزي |
|
