يا الله يا منشي المزون الثقيلات |
يا الواحد المعبود رب العبادي |
يا عالمٍ بالغيب كل الخفيات |
يا داير رياح الهوا والبرادي |
ترحم لنا شيخٍ كفوفه نديات |
رمز الكرم دايم لضيفه ينادي |
غلاب أبو فيحان ساس المروات |
نرفع له البيضا بكل الأيادي |
سج الرجل من فوق سفح الطويلات |
يتعب لفعل الطيب راع الشدادي |
عقيد ردعانٍ لياجات صكات |
نارد حياض الموت ضد المعادي |
ونركب على قب المهار الأصيلات |
وقبيلنا يكسر بيوم الطرادي |
يا دهام أبو سلطان رجل المهمات |
أمر الولي سنه على الكل بادي |
وعسى السحاب اللي بروقه مشعّات |
يعلّ قبر الشيخ طير الهدادي |
ويا جعل مسكانه جنانٍ ضفيات |
ويغفر له المعبود يوم المعادي |
ومهما كتبت من القصايد قليلات |
في حق شيخٍ عقبه الهم زادي |
والخاتمة صلوا على خير من مات |
محمد اللي للبشر خير هادي |
طراد بن غازي الردعي العتيبي |
|
