قصيدة للشاعر ضيف الله بن سويلم العتيبي كمجاراة لقصيدة الشاعر فراج الكرشمي التي نُشرت هنا في مدارات شعبية الأسبوع الماضي بعنوان (بعيد عن التكرار) |
قريت بمدارات «الجزيرة» بكل وضوح |
بعد جابها لي الموزع وقال اقر |
ولقيت الكلام العذب من شاعره مشروح |
تقول إن شعره ناقره فالصخر نقر |
عن اللي سطى بالروح روح بسفينة نوح |
ويشفى صواب في فؤاد الفتى وقر |
علوم المطر تجيك بعد البروق تلوح |
ويكثر نبات العشب فالتل والمقر |
وباب الرجاء مفتوح لو عارض المشفوح |
نصيبك يجيك لحد دارك وفي العقر |
يقولون بعض المدح ذمٍ يجي مفضوح |
ولاني مشجّع من مدح ذاهب النقر |
طبيبك يقول الضغط شرّه من المملوح |
يقوله حكيمٍ في مصحات بن زقر |
ترى الرجل يصمد لو عرض له مية ساموح |
ما ينظام من ربعه هل الضمر الشقر |
أغنّي طرب مرة ومرات أجر النوح |
ولا باقي الا شق ثوبي وقرّه قر |
علشان صوت الحق بين العرب مبحوح |
وما دام الحواجز دون الأقصى دقر دقر |
ضيف الله بن سويلم العتيبي |
|
