وشلون أحدد يابو نواف الأسباب

مهما تجاوزت الخطا بالهناديب

في وصفها ما فيه صادق وكذاب

منها تحير الروس قبل المكاتيب

أسباب ما تخضع لتفسير وحساب

ويش المبادي يا جروح المواجيب

لازالت الأبواب هي نفس الأبواب

ولا زالت الشرهة على نافض الجيب

أشوفها في نظرة عيون الأحباب

وأمد لو عذري لهم ما بها عيب

وأجيب ما قالوه في تلع الأرقاب

قصايدٍ بالمترفات الرعابيب

قصايد محيسن وقصايد عقاب

وقصايد الشعار شرقٍ وتغريب

وإن قال أحد جميع من عاصرك تاب

شف كثر شيبك وش بقالك من الشيب

أقول نايف هو سنيني ولا شاب

قلبه وقلبي مثل قلبه على الطيب

قصايده بالحب سحرٍ للألباب

نايف ولد غايب عزيز المجاذيب

والحب ما عذرب عزيزين الأنساب

حب الشرف ما هو دعاية وأكاذيب

لا شك تبغى الصدق يا عز الأصحاب

تغيرت عندي جميع الأساليب

دايم وأنا مرهق وشارد ومرتاب

وأضيق بعض أحيان وأسج وأغيب

الحب يلعب يا ابن غايب بالأعصاب

ويزيد لازادوا عليه المعازيب

دحيم النومسي

البارحة عديت في راس مرقاب

رغم أن ما حولي جبال ومراقيب

لا شك رافقني من المجد ما طاب

له خاطري رغبة ومن غير ترغيب

وكسرت فنجال السهر واضرس الناب

وأوصيت في قضب الوصاة المناديب

وصية لعقاب يفرح بها حجاب

شلفا ذياب اللي كسبها تراحيب

يا دحيم جاني منك مرسول وكتاب

قريت في فحواه رغبة وترهيب

خلطت فيه من أجود أنواع الأطياب

وزليت له من كيفك فكرك مشاريب

والمرجلة وهبة من يدين وهاب

عشاقها واجد ولا تعشق مريب

ومدام به شرواك فالطيب ما غاب

يلمح سناه اللي حدته اللواهيب

والجادل اللي تضرب الكف بخضاب

إن ما رمعت لك ما لها بالمطاليب

إن جنبتني ما لها عنك مجناب

ليا أفلست من ذيب تلقى لها ذيب

لكن انا بسألك عن بعض ما صاب

قلبك وأنا خابرك جزل المكاسيب

هي دورة الأيام وصدود غيّاب

وإلا انكسار الشوف في حروة الغيب

تدري كسرت من أول الدرب مشعاب

واليوم ابا أكسر للتوالي مشاعيب

فعلاً يا بن شايم ترى الحب غلاب

ويزيد لازادوا عليه المعازيب

نايف المطيري

صفحة الجزيرة الرئيسية

الصفحة الرئيسية

رأي الجزيرة