قنديلك اللي انطفى ليل الشتا البارد |
سيان عنده وفيت او توك تخونه |
ترجّل الفارس اللي لاجله تطارد |
يازين شلفاك ملت تطعن طعونه |
كل ماحداك الضما جيت الضما وارد |
كنك تعاف القراح وتشرب عيونه |
شاب العتب وانقطع ما بيننا الوارد |
ولولا الندم ما غرس فابهامه سنونه |
والحزن سيف على ارقاب الفرح جارد |
وكل بسمة في ديون الصبر مرهونه |
إن صادفك في طريقك بالي الشارد |
قله يموت الهوى.. باعيش انا بدونه |
بدر بن عبدالمحسن |
|
