منتب تلاحظ كلامي معك شيْ؟
أبينه لك في طريقة كلامي
لي جيت أقوله قلت أبتريث شوي
أحس كل المستحيلات أمامي
وإذا نويت أكتب لك ارتعشت يدي
يعصي القلم سبابتي والبهامي
أنا ضحية صمت أنا الميت الحي
أشكي عطش قدامي الماء وظامي
شمعة أمل عمري تناقص بها الضي
أنا كذا طبعي بعيد المرامي
الصمت ناره تحرق بطون رجلي
الصبر ناره جمرها حيل حامي
العين لي رفت وإذا صاحت اذني
أتأكد أنه قال عذب الكلامي
ولين التقينا ما حكالي ولا شي
يكابر وأنا أكابر وأصارع غرامي
أتلى العلاج لشاكي العلة الكي
واللي شكا مر الصبر ما يلامي
متى تلاحظ في كلامي معك شي
أتعبني التلميح به.. في كلامي
سعد الشليل
