أشغل الخفاق ترديد التمني

لين صرّح للعواذل بالخوافي

يا قريني في الشعر وين أنت عنّي

من ثلاث اسنين نور الشِعر طافي

القوافي عقب ما غبت أهجرنّي

واحربني وأنتحن عني مقافي

صارعنّي واجرحنّي واغلبنّي

ما يرافي جرحهن بالقلب رافي

ليه تخلف يا قريني فيك ظني

وأنت أغلى من مشى راكب وحافي

أنت فخري وأنت ذخري وأنت منّي

ما يصير اتصير عقب الجود جافي

والله أني ما نسيتك والله أني

لِك على ما تشتهي باقي ووافي

إن لقيتك يا قريني قمت أغني

واتلقى منك عسرات القوافي

وإن فقدتك ضاع كل الهرج منّي

صرت مثل الطير منتوف (الخوافي)

كان قصدك بالمودة تمتحني

ما بقلبي من غلا الخفرات كافي

اشترنّي واملكنّي واشغلنّي

وأودعنّ جنبي عن النوم أمتجافي

أسهرنّي واسعدنّي واسمعنّي

من حسينات القوافي كل شافي

عبدالله بن محمد السياري

صفحة الجزيرة الرئيسية

الصفحة الرئيسية

رأي الجزيرة