الحب والفرحة وتاريخ الأصحاب |
والشوق يا محمد وقصة غيابك |
والبعد وجروح بقت بين الأهداب |
وأحزان قلب ابتدت من عذابك |
والليل وأوقات قضت بين الأحباب |
والصدق وإحساس الغلا في عتابك |
رحلة غلا مرت على كل الأبواب |
باب الوفاء والطيب وكلمة هلابك |
خط القلم أحداثها داخل كتاب |
موقع بسم صالح لحضرة جنابك |
ودعت نفس ما لقت غير الأتعاب |
تبي وجودك لكن الحظ غدابك |
رحت وتركت إنسان يبحث عن أسباب |
لو في الحلم أسباب تشبه أسبابك |
دنيا خذتك وغبت من ضمن غياب |
ولاعاد باقي غير ذكرى غيابك |
المتجه للمجهول |
|
