يالله يا رحمن يا خالق البشر

يا عالم بالغيب يا ستّار

يارب يا معبود يا مجزل العطا

تلطف بعبدك حاير ومحتار

لابد ما تجرى الجواري على الفتى

ويصبر لحكم الوالي الجبار

يقول نومان السريحي مثايل

يشدن لنوار الزهر يأذار

أن كان جن من بسرة القلب وأوكبن

سيل تحدّر من ركية غار

وخلاف ذا يا راكب فوق هوجا

ما لافتت خلف الضعن لحوار

عوصا هميمه من هجاجيج ضمّر

عن الهجن مسيرها مشوار

ان جن حفايا من بعيد المناحي

وشافوا لهم بيت سوات الطار

يلفن لقرم ناقل هم أهلهن

عشير ضيفه منوت الخطار

أول ما يبدي لهم زين النبا

وفنجال بن مروك ببهار

ومن بعده من ميسور زاده يحط لهم

مع التهلي يبدي الأعذار

ياخوي أبي أوصيك واحفظ وصاتي

خلك لضيفك خادم وميمار

الضيف اليمنه لفالك ذمي

واليامشى من حسبت الشعار

ولا خير باللي ما يحشم خويه

ولا خير باللي ما يعز الجار

والكل منهم ضارب له نيه

ولابد ايسولف ما جرى وما صار

ولا تعاشر الهلاق قليل القدا

أما يدمح بك ولا تكسب عار

ولا ترافق المثبور ردى الشوفه

بالوجه مراه وبالقفا عقّار

ولا ترافق البخيل قليل الصخا

ترى ما ينفع لو زمانك جار

ولا تطلب الصخي والبخيل عندك

يحكي لنفسه وأنت مالك كار

أن كان جده دون جدك خطوه

يحدك عنه حد الجمل بهجار

هبيت يا رجل تقر وتنكر

لو تدعي بالفهم ترك حمار

الياعاد عدو الكذب عند المقابل

كانه حصل بالصافتين أنكار

يا قانص بالبوم تراك خاسر

عليك بالحريا تايه الأبصار

البوم بوم ويأرث البوم مثله

والحر حر ويجذبه حرار

يا شمعة الصبيان لا تأمن القدر

ولا عامر إلا يقتفيه دمار

دنياك ما دامت لحي يمشي

لو هرفت لك حبلها جرار

كم واحد ضحكت له ثم خانته

وعقب الطرب تجرى عليه أمرار

دنيا كفانا الله من شر جورها

شفنا بها من الخير والاشرار

كنت أعفا من شردّ الصيد بالفلا

واليوم جسمي بالمرض منهار

اقفوا وخلوني خلاوي بصيره

وحطوا هميد الرمث تقل أجدار

جودي وزهابي وثنوا رحولي

وأرجي الكريم الواحد القهار

والحمد لله يوم ربي فزع لي

الكيف طاب وزالت الأخطار

وصلوا على خير البرايا محمد

أعداد ما هلّت حقوق أمطار

مشعل الجبوري

صفحة الجزيرة الرئيسية

الصفحة الرئيسية

رأي الجزيرة