دنياك هاذي بحر واعمالك الباخره |
لا تغرق الباخره من فعل ربانها |
سير سفينتك من دنياك للاخره |
في طاعة الله ونفسك جود عنانها |
عمرك حياتك وخلك للولي ذاخره |
بالك يضيع بحظوظ النفس واشجانها |
واحذر تسمع لهرجة جاهل ساخره |
لاجاب له كلمةٍ ما قاس ميزانها |
هرجه يجيب الملام من اوله لاخره |
والكلمة الوافية ما دل عنوانها |
نركب ونسكن مساكن جلها فاخره |
واعمارنا تنقضي ويحل ديانها |
واللي بالأموال تتباها ومتفاخره |
ما تدري ان الليالي تنسج اكفانها |
دنيا بكل المصايب والفرح زاخره |
والرابح اللي لجم نفسه وشيطانها |
مشعل بن شباب الشيباني |
|
