ايه يا قلب يا قلبي المجروح |
ادري ان الغضى للجروح علاج |
مار وش في يدي والدموع تفوح |
قيل هداج واقول يا هداج |
وين ياللي لعمري ترد الروح |
وين يا سجة الخاطر السجاج |
في نظيري ملامحك يالمملوح |
تبهج الصدر يالراوي البهاج |
آه يالبرقع اللي وراه يلوح |
بارق المجهر المسهر اللعاج |
والمظاليل سلهامهن جروح |
داجيات وملحفك ليل داج |
ليل نجومه اقفن بسحر وضوح |
واشرقن من ورا جمرك الوهاج |
لد للي يبي خمر هنه واوح |
مثل ما توحي لضيرها المخلاج |
ولا انا يا هوى الروح وين اروح |
ما لي الا انت يالمشرق المنباج |
يا عذابي ما غير اشتكي وانوح |
يا هل السلم والعلم والمنهاج |
وكل ما شكي على شامخ ممدوح |
شامخ مثل عكاش والمجماج |
قال فالحب مالك ولا مصلوح |
اترك الحب يالعاشق المحتاج |
فاروق الكسر |
|
