|
تفاعل الحائليون مع فعاليات رالي حائل هذا العام بشكل رائع ومميز على صعيد الرجال أو النساء أو الشباب وحتى الأطفال وتبقى أجواء حائل الرائعة وكثافة الزوار وتنوع الفعاليات ووصول رالي حائل الدولي إلى العالمية محفزا مضاعفا لتتدفق المشاعر وتنقل لكم صوراً من المتعة بقلب شاعرة قادمة بقوة إنها الشاعرة (تاج شمر) ورغم أنها في بداية الطريق إلا أنها أبدعت وإليكم هذه القصيدة التي لا تحتاج إلى مقدمات: |
على الرالي تجهزنا على الرالي تولمنا |
وكل شغّل الموتر على الرالي على الرالي |
نجهّز عزبة القيلة ووسط الطعس خيّمنا |
نشب النار نشعلها عليها صفّة دلالي |
نسوي نطبخ بطعس وبه نذبح ذبايحنا |
ومن جانا نهلي به هلا يا ضيفنا الغالي |
نشوف نشاهد الرالي سباقٍ حيل شوّقنا |
شباب فيهم القوة عسى القوة لهم فالي |
نشاهد ناس اتطعّس تطاعيس تمتعنا |
مواتر تنزل وترقا تحدي بين الأبطالي |
ثلاث سنين نستمتع وسعود حيل أسعدنا |
أميرنا عسى عمره يطول وشره يزالي |
نحبك حيل يالفارس وحبك دايمٍ معنا |
شعاعك غيّب القمرا وأنت البدر متعالي |
عساك تكون في حايل وتقعد ما تفارقنا |
وتجلس عندنا دايم عشرين عام طوالي |
وبوسعد عسى يبقى وعسى بدنياه يتهنى |
وعبدالله ابن خالد جعل حايل ذهب غالي |
على الرالي تحمسنا على الرالي تجهزنا |
وكل شغل الموتر على الرالي على الرالي |
|
