في رثاء العم محمد العبد الله الدخيل رحمه الله |
مقدور من ربك ولا هو من أعداك |
مقسومك اللي كتب لك في زمانك |
لو طال عمرك لازم الموت يقفاك |
عمرك مقدرلك وبين مكانك |
إلى بغاك الموت جاك وتنصاك |
لو انت في رأسٍ ومرفوع شانك |
يا عم إلى رحت البيت ينعاك |
ياجد فيصل رحت وابعد زمانك |
واذكر محلك يوم تقعد وممشاك |
واذكر تواصيفك وطيبت لسانك |
واذكر بذيك المزرعة وأنت بشتاك |
لك مجلسٍ يذكر عن الشين صانك |
يابو دخيل إن حل ذكرك وطرياك |
يقال نعم الله يوسع مكانك |
الله يوسع مدخلك عقب دنياك |
دعوة قلوب طيبها من حنانك |
عبد الله ناصر المريس |
|
