كنت أسمع كل مره بالوداع |
ما عرفت انه عذاب إلا معك |
ما عرفت أشلون تفسير الضياع |
إلا يوم اني نويت أودعك |
ضاع قلبي للأسف والله ضاع |
ضاع في لحظة وداع تجمعك |
تدري اللحظات ما أقساها سراع |
ما أسرعك في البعد والله ما أسرعك |
صرت أحس أشلون معنى التياع |
أفقدك وشلون ما أقدر أمنعك |
المصيبة حان وقت الانقطاع |
انقطعك موت ودي ما اقطعك |
شفت معك الموت حسيت بضياع |
ضاع عمري يوم قلبي ضيعك |
جارت الدنيا بقدر المستطاع |
واجبرتني لا أشوفك لا أسمعك |
افترقنا عقب ذاك الاجتماع |
لو بيكفي والله أني لا أمنعك |
يا حبيب العمر ليه الاندفاع |
ما هي سهلة من حياتي انزعك |
اصبر وشاور تراك انت المطاع |
يمكن الله يا حبيبي يرجعك |
كيف ابيعك والغلا لا ما يباع |
كيف ابيعك وأنا توي اجمعك |
ما أقدر أبعد والعشق صعبه يضاع |
يعني تبغاني أجفف منبعك |
اعتبرني منسحب ماني شجاع |
بس دور لي شجيع يودعك |
ودي يرجع مني كلمة اجتماع |
واجتمع وياك قبل اضيعك |
تكفى هون ما بقى فيني ضياع |
قلي أمزح مانويت أودعك |
بان في وجهي من الفرقى نزاع |
بسمتي أو دمعتي وش ينفعك |
خالد المبيريك |
|
