على شاطي بحر جدة جلست أراجع اللي فات |
جريح وداخلي غيمة حزن تكشف بوارقها |
تذكرت الزمان اللي مضى ثم هلت العبرات |
ليا من سالت العبره ليا الأخرى تسابقها |
هموم الوقت تلعبي وقمت أسطر الأبيات |
بيوت الشعر من هاجس ضميري قمت أنسقها |
أكافح وأتأمل وأكتم الونه بوسط الذات |
أجازف وأتحدى الوقت وأحداثه أسابقها |
ولا فكرت في القادم وما يخفيه من لوعات |
مغامر في بحر حزن الزمان ونفسي أغرقها |
بسكين الغدر وقتي طعني فالظهر طعنات |
جريمه دورة الايام تكشف لي حقايقها |
جبرني وقتي وطعته وعشت بعالم الحسرات |
أشوفه قابض روحي بيدينه ويشنقها |
رفعت الرايه البيضاء أبستسلم بكل أسكات |
مدام الحظ في وجهي جميع أبوابه أغلقها |
دخيلك يا زماني حن خفف لوعتي لحظات |
أبنسى أهموم في جوفي شراييني تمزقها |
خطاياك أكثرت يا و قت عطني ربعها حسنات |
كفايه ما جرالي صدمتك ماني مصدقها |
أشوفك يا زماني صرت قاسي خفف اللوعات |
عليه حتى مني فرحتي لا عاد تسرقها |
خلاص اللي مضى لي فات اقفى بطوي الصفحات |
مدام الغيمه اللي داخلي طاحت صواعقها |
طموحي ما بعد جيته ولكن الأمل ما مات |
أبكمل رحلتي والنفس مرجعها لخالقها |
أبسجد وأطلب المولى إلهي يدمح الزلات |
يعوضني عن الماضي عسى أحلامي يحققها |
على الشاطي جلست أبكي ألم وأراجع اللي فات |
ليا سالت دموع الحزن خديني تعانقها |
عامر عمار العالي |
|
