أنا لا من تولجني الحزن واستهترت فيني |
هموم تدمي الخافق وزاد الهم تعزيره |
وجار الغم واستفحل وضاق الكون في عيني |
وتهت وضعت متحير وزادت فيني الحيرة |
أيمم وجهي وقلبي كسير رافع يديني |
لرب عالم قادر رحيم ما أحد غيره |
طلبته مجتهد خاضع: ألا يالله تنجيني |
من اللي حل بي واسرف وساد، وجاد تأثيره |
رجيته مبتهل: يا الله عفوك لا تخليني |
ضعيف، تايه، حاير، أسير قل تدبيره |
وربي ما يخيبني لو إن الناس تجفيني |
وانا ما نيب جازع من قضاء الله وتقديره |
أحمده وأشكره وأصبر إليه إنه يعافيني |
وأقول يقلب مستسلم وراضي: جعلها خيرة |
فيصل بن سبيل الباهلي |
|
