نلت الذهب والفوز دايم رفيقك |
يا شبل متعب بالقصايد نهنيك |
ياللي طريق المجد دايم طريقك |
على دروب المجد تمشي خطاويك |
ما به ابد للطيب شي يعيقك |
يا فارس بالطيب محدٍ يباريك |
مثل اللهب واعداك تخشى حريقك |
يوم ان متعب للمراجل مربيك |
ياللي عشقت الخيل يومه عشيقك |
ترى الأمل ما خاب يومٍ أبد فيك |
في ساحة الفرسان يسطع بريقك |
تشهد مصر والفوز دايم يناديك |
انت البحر وش عاد يرجي غريقك |
والله ما يحلم بشوفة مراسيك |
نلت الذهب والجود دايم صديقك |
يا شبل متعب بالقصايد نحييك |
حياة السلمان - الرياض |
|
