|
| |
تركض ورا الدنيا
|
يا من جمعت المال وش ينفع المال |
ما دام مالك ما نفعك بحياتك |
تركض ورا الدنيا وعلقت الآمال |
وان مت والله ما تفيدك غناتك |
ان ما بذلت المال في خير الأعمال |
العمر فاني والملذات تنزال |
ويبقى عملك الزين وأحسن صفاتك |
قدم وتلقى راحت الفكر والبال |
ولا تندفع نفسك بكثر شهواتك |
الناس في دنياك نازل ورحال |
ابعد نضر عينك وعينك مراتك |
كم واحدٍ ورثه يقسم على الحال |
خذ عبرةٍ تنشاف باربع جهاتك |
يا كثر ما يجري نزاعات وجدال |
ادروس غيرك عبرةٍ لك وجاتك |
حقيقةٍ ما هيب من ضرب الأمثال |
اعطف على اللي حده الوقت للجال |
من حر مالك وانفعه من زكاتك |
المال بيدينك له اقفاي واقبال |
ولا باقي الا ما عملته لذاتك |
تلقى الجزاء ياطيب الذات والفال |
عند الذي بامره تزيد حسناتك |
أحمد بن سعود الحمد /الزلفي
|
|
|
| |
|
