|
| |
شهد الهوى
|
يا خفايا روعة احساس الهوى ياود ودي |
يا عذاب الوقت يا حلام السنين النرجسية |
أي روح تحتضن كفي وتمطر فوق خدي |
تنبت ازهار الغرام الصادق.. الغض الندية |
أي حلم يسهر اجفاني ويوقف عند حدي |
يسقي احساس الظمأ بالقايله رشفه هنية |
أي عشق يحزم أفراحي وياخذني لضدي |
لين يبحر بي على شط العيون البابلية |
يستهل الوقت حلمه والهوى شهده يندّي |
من خيال النظره اللي سرها لك يا بنية |
عشقي اللي شايله ما هو على قد التحدي |
رايته بيضاء مثل بيض السحاب الهامليه |
ما ملكني حد ما غير النسب من بي وجدي |
غير ملك العاطفه ماحد ملكني عنجهيه |
أكتبيني حرف في صمتك وغني لي وردي |
وامسحيني واكتبيني وامسحيني ماعليه |
وان بغيتي تكتبيني رقم للمليون عدي |
وان بغيتي حرف انا كل الحروف الابجديه |
يكفي ان احساس كفك لمعته في وسط يدي |
وان حلمي ما تصحبه الليالي السرمديه |
وان يومي لا شرقت شمسه يرد الحان ودي |
يعزف الحانه على رمش العيون السامرية |
عبدالله جمعان الزهراني - (صدى الجنوب)
|
|
|
| |
|
