|
| |
دنيا جديدة
|
كنت أسافر وادور والاماني بعيده |
ما شكيت المسافه والبعد والكلافه |
كنت أشوف المتاعب في غلاها زهيده |
والهجر ما طواني ما رسيت بضفافه |
رحلة العمر قصه في زماني فريده |
بين شوق وضياع وبين ضيق وكسافه |
الليالي طويله والمواجع عنيده |
والمدامع نهر يجري وبيّن جفافه |
بعد فترة طويله شفت دنيا جديده |
بس ما أقول إلا يا زماني حسافه |
المواقف دروسٍ بس ما هي مفيده |
والليالي توالى بين صبر وطرافه |
عشتها عمر ثاني فيه دنيا سعيده |
تطوي احزان عمرٍ به ظلامٍ أخافه |
شفتها حلم ضاحك في حياتي وحيده |
شفتها شمس عمري ما لحقها عيافه |
كنت عاشق متيم قلب ينزف وريده |
ما درت بالمعنى وش حصلّه ولافه؟ |
صار في وسط قلبي مثل نارٍ وقيده |
وكل شيٍ بعمري شفت شيٍ خلافه |
ولّ يا جرح عمري ولّ ياقو قيده |
واشهد اني عليلٍ منه طول المسافه |
ضقت من بعض همي والجروح العديدة |
والقلم صار يكتب من عناها اعترافه |
عبدالله سمير الحربي /تبوك
|
|
|
| |
|
