|
| |
وارث المجد
الشاعر فهد بن إبراهيم بن عبدالله بن مانع آل مفرج
|
حنا ذوي مانع آل عبهول وعياله |
الديره تمير والعزوه تميميه |
لاميرنا نبدي الترحيب باشكاله |
ترحيبة العز والتقدير مثنيه |
لاميرنا اللي علينا يرهي ظلاله |
الله يجيره من العثرات والسيه |
حييت يا شيخنا ياكاسب الطاله |
يا مرحبا مرحبا يا حامي الهيه |
يا وارث المجد من عمه ومن خاله |
من شجرة في ذراها الظل والفيه |
حنا جنود الوطن والحرب حنا له |
في ظل قايد مسيرتنا فداويه |
واللي نوى الشر فال الله ولا فاله |
ما عندنا إلا سيوف الهند محنيه |
الله يعز الوطن ويسلم رجاله |
انصار الاسلام بآيات سماويه |
ملوكنا فزعة اللي ضايق باله |
حكامنا نصرة المظلوم جبريه |
للدار قاده وللتوحيد خياله |
وللعز مرجع وللمحتاج جاهيه |
والله يطول عمر من ميل عقاله |
ابو اليتامى و زيزوم الرياديه |
اي والله اللي سنام الفخر منزاله |
عدوا نجوم السما من تحت كرسيه |
قلته واقوله وغيري يا عرب قاله |
والله فلا مثل أبو متعب ولازيه |
يشهد كلامه لا والله تشهد افعاله |
بالعين شفناه والميه على ميه |
يمسح دموع اليتيم ويصلح احواله |
عزالله انه رحوم وطيب النيه |
وختامها مانع آل عبهول وعياله |
يدعون بالعز لملوك السعوديه |
|
|
|
| |
|
