يامرحبا عند راعي مرحبا كل حين

ترحيبة غالية بالفرصة الغالية

مالان في واجبه لو الرواسي تلين

بايامه الاوله وايامه التالية

فيك البقا طيبٍ رحبت بالطيبين

تراك لك منزله بقلوبنا عاليه

من قام في واجبه مشكور دنيا ودين

يصبر على المرة اللي باغيٍ الحالية

اتعيش يا اللي وقفت ابماقف الغانمين

وقفة على بر في حزات متوالية

لديت لده يسار ولدتينٍ يمين

وإلى ان جمع المراجل هوش وقتاليه

مانمشي إلا ورا شيابنا الاولين

نمشي على دربهم في كل الاحواليه

لديت وانته مجرب ماضيات السنين

جمعت فخر الرجال وروس الامواليه

من دل درب الهدى يكتب من المهتدين

وان صلح قلبه بتصلح كل الاعماليه

كرس جهودك وربك يحفظ الغافلين

اصحى لاتهمل ولاترضى بالاهماليه

يا الله يارب تكتبنا من الصالحين

بالساعة اللي ماينفع مال واعياليه

اصبر وابا اصبر ترى ربك مع الصابرين

لاتحسب اقلوبنا ياعودنا خاليه