الفصول اربعة مابين حلوه ومره

تحت دورة فلكها مقسمة بالحياة

الربيع بنبات العشب يازين بره

زين مجلاس بره بين عشب ومياه

القحط جعل ربي يكفي الناس شره

جعل ربي يغيث الارض من خير ماه

سيل رحمه مهو سيلٍ يجي به مضره

نهتني بالربيع وكل شخص وهواه

من نظم لغزنا نقول لله دره

والجزيرة تشجع كل واحد هواه

بشروني عسى في القاع مضراب جره

للربيع وحقوق الصيف واللي تلاه

لغز ابن ردن غنّى فيه والصوت جره

يعجب السامع اللي لاسمع به قراه

يا العصيمي ربيع الارض لله دره

لبس الارض ثوب اخضر وغيّم سماه

الربيع ان حصل للبدو كله مسره

والحضر يرغبون البر ينعش هواه

وام سالم جميل الصوت قامت تجره

ترفع الصوت مبسوطه بزين الفلاه

يامحب الوطن يا اللي تحبون بره

اسمعوا للعصيمي ويش لغز بناه

ضبط اللغز وزن وقاف لله دره

حله اللي هو الربيع يامن بغاه

لغزكم بالجزيرة واقع في مقره

مركز انياب سنه في ربيع حماه

لغزكم يا العصيمي هو ربيع المسرة

زاهي في خضاره يهتني من رآه

اشهد ان العصيمي رجل لله دره

صاغ لغز وصالح قام يسعى وراه

ايتطلب حلوله مره بعد مره

لين صاب الربيع وقال هذا تراه

لغزكم يارجال العرف لله دره

كل رجال عارف لغزكم ماغواه

يالعصيمي ترى الربيع مابه مغره

لاضفى فوق دار العز مثل العباه

ياتراث الجزيرة مرحبا الف مره

كل جمعة نطالع بالعدد وش حواه

والذي يا العصيمي مايجي غير مره

ذاك فصل الربيع استر منهو رعاه

من كتب للجزيرة لغز لله دره

في تراث الجزيرة يسعد اللي قراه

الربيع,, الربيع يسر من هو يمره

والفصول الثلاثة ماتسوي سواه

آه من طرق قاف بالمعاني نجره

كل ماقلت كامل نقصوا مستواه

يا اهل اللغز كيف الحل نلقى مقره

كان ماهو الربيع اخطيت والحل تاه

مرحبا عد ماتبدي نجوم المجره

والعصيمي عرفنا مقصده ومغزاه

الربيع الهدف واظن مابه مغره

لانشا مدلهم المزن وامطر سماه

ياحجب فات فصل الصيف واقفا بحره

وابرد الجو يامحلا نسانس هواه

ذاك فصل الربيع يزين ممشى~ ببره

ماحلا بنية بيوت الشعر بالفلاه

مرحبا ياهلا مره ومليون مره

بالعصيمي ولغزٍ عاليٍ مستواه

الجواب الربيع وكل شخص يسره

شوفة الارض خضرا والخزامى زماه

ياحجب ردن لغزك صعب نغفل ممره

راعي الطيبه لابد نكسب رضاه

زين فصل الربيع الى انتهى الصيف حره

والمجاهيم ترعاها بذيك الفلاه

ياحجب عد ماتبدي نجوم المجره

مرحبا بك ولغزك يفهمه من قراه

ذاك فصل الربيع يسر شوفه وبره

والفصول الثلاثة ماتجي مستواه

العصيمي بنى له لغز لله دره

اشهد انه مصيب وجيد في بناه

من يعرف المعاني يعرفه مايغره

ذاك فصل الربيع,, يسر,, ما اجمل بهاه

نصفهم يا الحميدي منتظر ويتشره

حبهم للجزيرة كل عالي رقاه

لكن الوقت نرضى فيه خيره وشره

والربيع ابرك ايام السنه ماحلاه

يا العصيمي معاي ارفع يديك وتحره

الطلب من إله كلنا في رجاه

الحيا بالوطن في كل شبراً وذره

لكل واحد قريّب مايعني خطاه

مرحبا ياهلا فالصفحة المشمخرة

راسها اللغز يوم ان ضبطوا مستواه

وانت يا اللي كتبت اللغز واخفيت سره

الربيع الجواب الصح، مابه عداه

نشكر اللي جعل ذا الزاوية مستمرة

الحميدي ولا ننسى جميع زملاه

والجواب انظره واقره وبالصوت جره

الربيع وعساه يجي لنا ياعساه

كل شاعر لغوز الشعر لازم تسره

ينبسط دام سمع اللغز والا قراه

ثم يرمع، واذا كانت غلط ماتضره

مير اظن الربيع الرمعة المبتاغاة

ياهلا بالعصيمي والتحية مسره

من ضميري سلام لين ياصل مداه

الربيع الجواب إن كان هذا مقره

يوم كثر النبات الناس كل نصاه

الربيع الذي فيه الونس والمسرة

ماحلا شوف ذعلوقة وشوفه حزاه

الله,, الله كريم السيل يجعل مقره

في ربوع الجزيرة ممطر كل ماه

قال من زاده الإعجاب شوق ومسرة

مرحبا يا العصيمي عد ذاري هواه

من سعى في طريق الخير لله دره

صار مثل الربيع يشوق منهو نصاه

ياحلو ياحجب مشي العصاري ببره

ليا خضرت بالربيع معذيات الفلاه

حل لغزك ماله عامين في نجد جره

مانسينا الربيع وحلو لذة هواه

العصيمي حجب ياناس لله دره

لغزه اليوم يعجب كل شخص قراه

الفصول اربعة فيهن فصل تحره

وهو فصل الربيع الناس تتبع حياه

مرحبا عد مايمشي على الارض ذره

وعد مالاح براق لمع في سماه

بارق فيه خير ويسقي اللي يمره

والربيع افضل فصول السنة من غلاه

اقبل الخير عقب القيض ماراح حره

باقي ايام وتلوح البروق بسماه

ثم يجيك الربيع اللي بشوفه مسره

بأمر رب جميع الخلق تطلب رضاه

ياهلا ياحجب عدد نجوم المجرة

جبت لغز جديد يطرب اللي قراه

يا العصيمي ترى لغزك عرفنا ممره

هو تراه الربيع مونس اللي نصاه

لو وصلت النجوم ولو وصلت المجره

الفصول اربعة والكون يدرج رحاه

مار ربي عطى فصل الربيع المسره

تمشي الناس خلفه والله اللي عطاه

ياحجب ردن لغزك نعرفه مانغره

ذاك فصل الربيع اللي عليل هواه

جاك حله مادام إنك علينا تشره

في تراث الجزيرة ننشره للقراه

مرحبا بالعصيمي عد نجم المجره

ولغزك اللي برعته يعجب اللي قراه

وجعل غيث نشا رمل الضويحي يمره

والربيع يتهاوش دونه ومن وراه

العصيمي على ذا اللغز لله دره

ذكر اللي حياة البر غاية مناه

ذكره بالربيع وسجته وسط بره

والنفل ينعش الروح العليلة شذاه

من يجي للردى ياهل الوفا ويتشره

مايعرف الزمرد يحسب انه حصاه

الهناء والسعادة والرضا والمسره

في عيون الربيع نشوف معنى الحياة