يامرحباً ياهلال عداد كل الطيور
اللي بالأغصان واللي بالفضا سارحه
المملكة كلها مزدانه بالزهور
بعودة ولي العهد من جولة ناجحة
مسرور كل الوطن وازداد نوره بنور
من يوم عبدالله الغالي لفى البارحه
هذا عضيد الفهد في كل راي وشور
الدار في ظلهم لأعلى العلا طامحه
عز الله انه على العليا عزومٍ جسور
الله يبارك لنا بجهوده الصالحه
اللي على الطاير الميمون عدا البحور
بمهمةٍ قيمة عظيمة فالحه
وثق علاقات مع بلدان يومه يزور
همه يفيد البلد تجارة رابحة
العالم برمته يشهد لنا بالف دور
مكانة المملكة بين الدول واضحة
يبقى وطنا عزيز وعامر ومعمور
في ظل قادة تشيل همومنا الفادحه
كتبت نظم القصيده ظاهره من شعور
ولقيتها فرصة ومناسبة سانحه
