كلش بعيني تافه قمت اشوفه
ياصغر هالدنيا على ضايق البال
لو تمتلك كل المزايا كفوفه
تبقى حياته كلها اهمال في اهمال
معاد باقي في حياتي حسوفه
وش عاد عندي باقي فيه مازال
ان قلت مابي زاد همي وخوفه
وان قلت ابسكت ينجرح واقع الحال
كني بدنياً شمسها في كسوفه
والليل ظلما والشقا فيه يختال
واللي خفا يصعب عليه وصوفه
متاعب منها انقلب حالي احوال
إن جاد يوم عاندتني ظروفه
كني اعيش ايام عمري على الجال
هذا جوابي هاكم اقروا حروفه
وشوفوا وش اللي عاند اللحظ لي مال
