ليتي عريسٍ عاش يسمع هالاصوات

الله يصخّر من تمنيت ليَّه

وان كان هذا ماحصل ليت من مات

الحاضر اللي عشت مثل أوليَّه

من صرت شاعر صارت آهاتي أبيات

والحال حال اللي حياته رديَّه

متى متى تصبح حياتي مسرات

متى متى تمسي حياتي هنيَّه

عيني لها نظرة وللقلب مشهات

ماتتفق عيني وقلبي سويَّه

هذا انا وأنت والآمال والذات

وهذي عواطفنا والأرواح حيَّه

هذي المشاعر والخواطر حزينات

وهذي الدموع تسيل صبح وعشيَّه

من حبي الغامض تحملت لوعات

والمشكلة لازلت تطري عليَّه

انا فدا عمرك رغم كل مافات

معك معك لو رحت لجلك ضحيَّه

يحفظ هوانا العذب رب السماوات

اللي صخرني لك وصخرك ليَّه