نواف بن محمد الصخابرة

الله يا مرسي الجبال المنيفات

يالواحد الغفار ياخير معبود

تغفر ذنوبي قلها والكثيرات

وتجبر عزا قلب من الهم مضهود

يصبر وله بالصبر مطلب وغايات

رضاك يالمعبود هو خير مقصود

وانت العظيم اللي تحل الصعيبات

وانت الكريم ومدتك مالها حدود

طالبك وفقني لدرب الهدايات

وعني وسيرني على كل محمود

لو كان في دنياي شفت المتاهات

لطفك وتغنيني عن الناس بالجود

ما اشكي على غيرك همومن ثقيلات

مادمت ياربي بك الحبل ممدود

ماهيب تخفى عنك لوهي خفيات

تعلم بها يا جاعل العمر معدود

فيك الرجاء ماخاب في كل الاوقات

عبدك وابن عبدك يناجيك ملهود

رحمتك يالمعبود غايته بالذات

وعفوك هو المكسب ليا قل مجهود

الجزيرة ديجيتال