Friday 04/10/2013 Issue 14981 الجمعة 28 ذو القعدة 1434 العدد
ما هو بهين
الطيب ما هو بهين ما يجي بالمزوح
ولا يجي بالكلام، ولا يجي لليدين
كود بتعب نفس وبذل كفوف من طيب روح
متعودينه هل الفزعات في كل حين
اجواد واسياد معهم كل طيبٍ يفوح
فوق ازرق العود تلقى الوجه الابيض يبين
وافعالهم لو تروح اعمارهم ما تروح
تبقى للاجيال درس ٍ من دروس السنين
ماهم من اهل الكلام اللي يجيك ويروح
لكنهم من خيار، وصفوة المؤمنين
اللي ليا من نصيت احدٍ قبل لا تبوح
في حاجتك سدها من قبل تطلب يعين
مرات قسوة ضمادك فوق فوق الجروح
مايبري الجرح لكن يجرحك مرتين
واللي يعيش وضميره حي وقلبه نصوح
يتعب ولكن كذا هي عيشة الغانمين
