يا خازن اللول بين الورد عذب اللما

يسولف الشهد لاسراب النحل عن شفاك

إن كان كل البنات نجوم.. فأنت السما

حتى القمر والنجوم تلمّها في سماك

وصلك لي الما وبعدك عن حياتي ظما

محظوظ منهو بعد طول الظما ذاق ماك

هبّت هبوبك على قلبي وغصنه وما

ومالت معاليق قلبي كلها في رضاك

من حب يمشي لمحبوبه سواة العمى

لو شاف منك الخطا ما قال: صحح خطاك

وحبك بقلبي قبل تدري بحبك نما

الله يا صاحبي لو قلت لك عن غلاك

نشا غرامك على روض الخفوق وهما

حبٍ يسولف لعشاق الهوى عن هواك

في كل يومٍ جديد أحس حبك زما

الكون كلّه وخفاقٍ ملكته فداك